Maçadonun Nobel mükafatı ilə bağlı “mərc araşdırması” aparılır

Norveç Nobel İnstitutu 2025-ci il Nobel Sülh Mükafatı laureatı elan edilməzdən əvvəl venesuelalı Maria Korina Maçadoya mərclərin qəfil artması səbəbindən komitədən məlumatın sızıb-sızmadığını araşdıracaq.

Norveçin “Aftenposten” qəzetinin məlumatına görə, Norveç Nobel İnstitutunun direktoru Kristian Berq Harpviken yerli vaxtla saat 10:50-də Maçadoya zəng edərək Nobel Sülh Mükafatını qazanması barədə məlumat verib.

Bu arada seçki mərc oyunları şirkəti Polymarket sosial media platformasında öz saytındakı mərclərin mükafat elan edilməzdən bir neçə saat əvvəl Maçadonun qələbəsini proqnozlaşdırdığını bildirib.

Bu yazıdan sonra Netanyahuya dəstəyi ilə tanınan Maçadoya stavkalar qəfil artdı və bu, Norveç Nobel Komitəsindən məlumat sızdırılıb-sızdırılmaması ilə bağlı suallar doğurdu.

Polymarket saytındakı məlumatlara görə, Norveç vaxtı ilə saat 12:40-da Maçadonun qələbəsinə mərc 3,75 faiz təşkil edib. Bu göstərici saat 12:45-də 7,6 faizə, saat 1:00-da isə 39 faizə yüksəldi. Daha sonra saat 2:00-da Maçadonun qələbəsi ilə bağlı əmsallar gözlənilmədən artaraq 72,8 faizə çatıb.

Maçadonun qələbəsinə mərc etmək minimum həddə olsa da, bu yarışın qalibi ilə bağlı proqnozlarda ABŞ prezidenti Donald Tramp və Rusiya həbsxanasında ölən müxalifət lideri Aleksey Navalnının həyat yoldaşı Yuliya Navalnaya üstünlük təşkil edirdi.