Azərbaycanda "əxlaq polisi" yaradılır? - AÇIQLAMA

12.09.2019 Sosial
Son günlər sosial şəbəkələrdə Azərbaycanda “Əxlaq Polisi”nin yaradılacağı barədə xəbərlər yayılır.

Bildirilir ki, bu, polisin Bakının mərkəzində turistlərə intim xidmət təklif edən yüngül əxlaqlı qadınlara qarşı mübarizəni gücləndirməsindən qaynaqlanır.

"Kommersant.az" Yenicaga istinadən xəbər verir ki, məsələ ilə bağlı virtualaz.org-a açıqlama verən Daxili İşlər Nazirliyinin Mətbuat xidmətinin rəisi, polis polkovniki Ehsan Zahidov məlumatı təkzib edib.

“Paytaxt sakinlərinin çoxsaylı müraciətlərini nəzərə alaraq, polis əməkdaşları Bakının bir sıra mərkəzi küçələrindən, xüsusən də “Torqovı”dan (Nizami küçəsi) Azərbaycan xalqının milli dəyərlərinə, mentalitetinə zidd hərəkətlərə yol verən və turistlərə ədəbsiz təkliflər edən qadınları yığışdırıb və onlara müvafiq xəbərdarlıq ediblər. Polisin bu hərəkətləri bütövlükdə şəhər sakinləri tərəfindən müsbət qarşılanıb.