Laçınlı məcburi köçkünlərin məskunlaşdıqları qəsəbəyə tezliklə “mavi yanacaq” veriləcək

19.06.2018 İqtisadiyyat
Azərbaycan Respublikası Prezidentinin 2018-ci il 5 mart tarixli Sərəncamına uyğun olaraq Ağcabədi rayonunun Taxtakörpü ərazisində laçınlı məcburi köçkünlərin məskunlaşdıqları daha bir qəsəbənin qazlaşdırılması işləri başa çatmaq üzrədir.

"Kommersant"ın bildirdiyinə görə, AZƏRTAC-ın bölgə müxbiri xəbər verir ki, qəsəbədə qaz xətlərinin çəkilişinə may ayında start verilib. Qəsəbənin qazla təmin olunması üçün 2700 metr uzunluğunda daşıyıcı, 3200 metr uzunluğunda paylayıcı xətlər çəkilib. Rəngləmə və beton işləri yekunlaşıb. Sayğacların quraşdırılması işləri başa çatdıqdan sonra qəsəbə “mavi yanacaq”la təmin ediləcək.