"Səriştəli idarəetməsi olsaydı, "Azərsu" əvvəlki tariflə də mənfəətli müəssisə kimi işləyərdi. Yəni "Azərsu"yun, ona aid paylama şəbəkəsinin xarici idarəçiyə verilməsi planı özü-özlüyündə suyu bahalaşdıra bilməzdi. Görünür, hökumət və potensial xarici idarəçi "Azərsu"yun gəlirliliyini manatın yeni kursu ilə hesablayır".
"Kommersant.az"ın xəbərinə görə, bunu REAL Partiyanın sədri İlqar Məmmədov deyib.
İ.Məmmədov xatırladıb ki, 2015-ci ildə əvvəl manat qiymətdən düşüb, sonra tariflər artırılıb: "Bu dəfə öncə benzin, su və digər təməl malların qiyməti bir-bir artırılır, sonra isə devalvasiyanın növbəsidir. Bunun 2021-ci ilin dövlət büdcəsindəki əlamətlərini ətraflı göstərmişdim. Təkrar-təkrar deməli oluram: Orta və uzun perspektivdə Azərbaycanın pulu yoxdur. Pulu ancaq dərin və həqiqi islahat gətirə bilər. Qanun aliliyindən başlayan islahat".