İki müəssisəyə iki milyon manatdan artıq güzəştli kredit verilib - NAZİR

23.06.2022 İqtisadiyyat
Azərbaycanda iki sahibkarlıq müəssisəsinə iki milyon manatdan artıq güzəştli kredit verilib.

Bunu iqtisadiyyat naziri Mikayıl Cabbarov "Twitter" səhifəsində bildirib.

"Sahibkarlığın İnkişafı Fondu tərəfindən yerli istehsalın təşviqi və sahibkarlara dəstək məqsədilə əlcək istehsalı ilə məşğul olan “Xanni-2017” MMC-yə 2 mln. manat və meyvə-tərəvəz məhsullarının emalı üzrə ixtisaslaşmış “Brightman BMC” MMC-yə 100 min manat güzəştli kredit verilib", - nazir deyib.