Yaponiya ilə Avropa İttifaqı (Aİ) azad ticarətə dair müqavilə imzalayacaqlar.
"Kommersant" "Report"a istinadən xəbər verir ki, müqavilənin imzalanması iyulun 17-də Tokioda baş tutacaq.
Ekspertlər hesab edir ki, müqavilənin icrasından sonra Aİ məhsullarının Yaponiyaya idxalı 30% artacaq.
Xatırladaq ki, Aİ ilə Yaponiya uzun illərdir ki, azad ticarətə dair danışıqlar aparırlar. Danışıqların birinci mərhələsi 2013-cü ildə keçirilib. Tokio daha çox avtomobil (10%) və elektron məhsullar (14%) üçün yüksək rüsumun ləğv edilməsində maraqlıdır.