Bakıda 7 marşrut xətti üzrə avtobusların hərəkət sxemində dəyişiklik edilib
10.07.2018
İqtisadiyyat
İyulun 10-dan 11-nə keçən gecədən etibarən Ukrayna dairəsinin bir hissəsində asfalt-beton örtüyü yenilənməsi işləri ilə əlaqədar ətraf yollarda nəqliyyatın hərəkəti məhdudlaşdırıldığından, 21, 44, 60, 62, 132, 104 və 183 nömrəli müntəzəm marşrut xətləri üzrə avtobusların hərəkət sxemində müvəqqəti dəyişiklik edilib.
“Kommersant” xəbər verir ki, bu barədə Bakı Nəqliyyat Agentliyi (BNA) məlumat yayıb.
Dəyişikliyə əsasən, 21, 44, 60, 132 və 183 nömrəli marşrut xətləri üzrə avtobuslar Gəncə prospekti - Xudu Məmmədov küçələri, əks istiqamətdə isə Məhəmməd Hadi küçəsi -Xudu Məmmədov küçəsi -Gəncə prospekti ilə hərəkət edəcəklər. 62 və 104 nömrəli müntəzəm marşrut xətti üzrə isə avtobuslar Məhəmməd Hadi küçəsi –Sarayevo küçəsi - Telnov küçəsi -Neapol dairəsi istiqamətində hərəkət edəcəklər.
Digər xəbərlər
