Dövlət Departamenti: ABŞ “Cənub Qaz Dəhlizi” layihəsini qətiyyətlə dəstəkləyir

ABŞ Dövlət Departamenti Avropada Rusiya qazına rəqabət yarada biləcək “Cənub Qaz Dəhlizi” layihəsini qətiyyətlə dəstəkləyir.

"Kommersant" xəbər verir ki, APA-nın xəbərinə görə, bunu "RİA Novosti"yə ABŞ Departamentinin energetika üzrə bürosunun nümayəndəsi Vinsent Kampos deyib.

Onun sözlərinə görə, ABŞ "Şimal axını-2" layihəsinə qarşı çıxış edir: "Bu layihə Avropada ümumi enerji təhlükəsizliyini və sabitliyi pozacaq, xüsusilə, Ukraynaya ciddi təsir edəcək".

"Alternativ enerji mənbələrinə gəlincə, enerji təhlükəsizliyinin gücləndirilməsi məqsədi ilə yanacağın növü, nəql marşrutları və təchizatçı ölkələr üzrə tədarükün şaxələndirilməsinə dəstək verməklə avropalı tərəfdaşlarımızla sıx əməkdaşlıq edirik. Məsələn, ABŞ 2019-2020-ci illərdən başlayaraq Avropaya qaz idxalını şaxələndirəcək "Cənub Qaz Dəhlizi" layihəsini qətiyyətlə dəstəkləyir", - deyə Vinsent Kampos qeyd edib.

Kommersant.az

Xəbərin müəllifi

Facebok Twitter LinkedIn

Əvvəlki
FHN Ağsudakı güclü yanğınla bağlı məlumat yayıb
Sonrakı
Dolların bu günə olan məzənnəsi

Digər xəbərlər

08.05.2025 İqtisadiyyat