Avropadan TANAP layihəsinə qrant - 5,4 mln. avro
"Kommersant.az" xəbər verir ki, qərara əsasən Cənub Qaz Dəhlizinin tərkib hissəsi olan TANAP layihəsinə "Boru kəmərinin katod mühafizəsinin quraşdırılmasının yoxlanılması və infrastrukturda remodifikasiya" işlərinə və eləcə də "çertyoj və diaqramların yenilənməsi" sahəsində iş həcmlərinə ümumilikdə 5 mln. 44 min 394 avro qrant ayrılıb.
Qeyd edək ki, TANAP təbii qaz boru kəməri layihəsi CEF Energy proqramı çərçivəsində maliyyələşdirmə üçün seçilmiş iki qaz layihəsindən biridir. Avropa Komissiyası 2017-ci ilin noyabr ayında 173 layihənin daxil olduğu Ümumi Maraq Layihələrinin (PCI) siyahısını dərc etmişdir. Bu siyahıda 53 qaz infrastruktur layihəsi var. Xatırladaq ki, PCI statusuna malik layihələr 2014-2020-ci illər üçün büdcəsi 5,35 milyard avro olan "CEF Energy" fondunun maliyyə dəstəyindən yararlanmaq hüququna malikdirlər.
Xatırladaq ki, 2014-cü ildən bu günə qədər TANAP layihəsi çərçivəsində müxtəlif mühəndislik və layihələndirmə işləri üçün CEF Energy proqramı vasitəsilə əldə olunan vəsait 15 milyon avronu ötmüşdür. Ümumilikdə isə, TANAP və TAP layihələri çərçivəsində müxtəlif iş həcmlərinin maliyyələşdirilməsi üçün əldə olunmuş qrantların məbləği 30 milyon avroya yaxındır.
Digər xəbərlər
Jelly lobya içərisində narkotik tapıldı: Daha 2 ölkə geri çağırmaq qərarına gəlib
