Nvidia-nın baş direktoru Censen Huanqın şəxsi sərvəti 120 milyard dollara çatıb

Süni intellektin qlobal genişlənməsi Nvidia-nın baş direktoru Censen Huanqın şəxsi sərvətində də əks olunub. Ötən il 80 milyard dollar olan sərvət son qiymətləndirmələrlə 120 milyard dollara çatıb.

Səudiyyə Ərəbistanına süni intellekt çipləri satdıqdan sonra Nvidia-nın səhmləri 5,6 faiz artıb, CEO Jensen Huang-ın sərvəti isə 120 milyard dollara çatıb.

Forbes-in real vaxt milyarderlər siyahısına görə, Huang dünyanın ən varlı adamları siyahısında birinci yerə yaxınlaşır, lakin hələ də ilk 10-u qıra bilməyib.

Nvidia səhmləri yüz minlərlə süni intellekt çipinin Səudiyyə Ərəbistanının İctimai İnvestisiya Fondunun (PIF) rəhbərlik etdiyi süni intellekt təşəbbüsünə satılmasından sonra 5,6 faiz bahalaşıb. Şirkətin səhmləri 129,93 dollar səviyyəsində bağlanaraq Nvidia-nın ümumi bazar dəyərini təxminən 3 trilyon dollara çatdırıb.

Razılaşma ABŞ Prezidenti Donald Trampın Körfəz səfəri çərçivəsində Səudiyyə Ərəbistanına süni intellekt investisiyalarını dəstəklədiyi bir vaxta təsadüf edir. Trampın yaxın günlərdə Birləşmiş Ərəb Əmirliklərinə də səfər edəcəyi gözlənilir.