Avrozonanın ticarət profisiti 9,9 milyard avroya çatıb

Avrozona ötən ilin noyabr ayında 9,9 milyard avroluq ticarət profisiti qeydə alıb.

Avropa Statistika İdarəsi (Eurostat) 2025-ci ilin noyabr ayı üçün Avropa İttifaqı (AB) və Avro Bölgəsi üzrə beynəlxalq ticarət məlumatlarını dərc edib.

Məlumatlara görə, AB ixracı noyabr ayında əvvəlki ilin eyni ayı ilə müqayisədə 4,4 faiz azalaraq 213,8 milyard avroya, idxal isə 2,9 faiz azalaraq 205,7 milyard avroya düşüb. Beləliklə, AB həmin ayda 8,1 milyard avroluq ticarət profisiti qeydə alıb.

Avro Bölgəsində noyabr ayında ixrac 2024-cü ilin eyni ayı ilə müqayisədə 3,4 faiz azalaraq 240,2 milyard avroya, idxal isə 1,3 faiz azalaraq 230,3 milyard avroya düşüb. Avro Bölgəsi bu dövrdə 9,9 milyard avroluq ticarət profisiti qeydə alıb.

Sözügedən dövrdə Aİ-dən ən çox idxal edən ölkələr ABŞ (37,4 milyard avro), Böyük Britaniya (28,4 milyard avro), İsveçrə (18,7 milyard avro), Çin (16,4 milyard avro) və Türkiyə (9,6 milyard avro) olub.

Aİ ölkələrinə ən çox ixrac edən ölkələr Çin (48,7 milyard avro), ABŞ (26,7 milyard avro), Böyük Britaniya (13 milyard avro), İsveçrə (12,3 milyard avro) və Türkiyə (8,1 milyard avro) olub.