“2020-də "Şahdəniz-2" qazı istehlakımızın 25-30 faizini təşkil edəcək”

13.06.2018 Energetika
“2020-ci ildə "Şahdəniz-2" qazı Bolqarıstanın qaz istehlakının 25%-30%-ni təşkil edəcək”.

Bunu Bakıda keçirilən "Cənub Qaz Dəhlizi və Cənub-Şərqi Avropanın enerji təhlükəsizliyi" konfransında Bolqarıstanın energetika nazirinin müşaviri Rosen Smitçiyev bildirib.

O bildirib ki, Bolqarıstan Azərbaycanı Cənub-Şərqi Avropa regionu üçün əsas təbii qaz mənbələrindən biri hesab edir. "Azərbaycan Cənub Qaz Dəhlizinin həm əsas mənbəyi, həm də tərəfdaşıdır. Bolqarıstan 2020-ci ildən Cənub Qaz Dəhlizi ilə nəql olunacaq "Şahdəniz-2" qazının alıcılarındadır və Yunanıstan-Bolqarıstan interkonnektoru (Interconnector Greece-Bulgaria (IGB) vasitəsilə ildə 1 mlrd. kubmetr "Şahdəniz" qazı alacaq," – deyə nazir müşaviri qeyd edib.

APA