Azərbaycanlı “Gazprom”a sədr müavini təyin olunub - FOTO

05.04.2019 Energetika
Azərbaycanlı Famil Sadıqov Rusiyanın nəhəng şirkəti olan “Qazprom” İctimai Səhmdar Cəmiyyətinin (Gazprom) İdarə Heyətinin sədr müavini vəzifəsinə təyin olunub.

Sadıqov sədrin maliyyə-iqtisadi məsələləri üzrə müavini olacaq. Sadıqovdan öncə bu vəzifəni Andrey Kruqlov yerinə yetirib. Kruqlov digər vəzifəyə təyin olunmağı ilə əlaqədar bu vəzifədən azad edilib.

Qeyd edək ki, Sadıqov 2009-2019-cu illərdə “Qazprombank”ın İdarə Heyətinin sədrinin müavini, bundan əvvəl isə Federal Xəzinədarlığın rəhbər müavini, Rusiya vergilər və rüsumlar nazirinin müavini olub.

F.Sadıqov 1968-ci ildə Naxçıvanda anadan olub.

VTB