"Kabinetinə əyilə-əyilə girənlər üstünə daşla gələcək"

"Kabinetinə əyilə-əyilə girənlər üstünə daşla gələcək" - Ramiz Mehdiyevlə bağlı daha bir AÇIQLAMA

"Ramiz Mehdiyev vəzifədə olanda heç kimlə polemikaya girmirdi, soyuq başla şimala söykənib işini görürdü. Bu gün danışır haqqında söylənilənlərə cavab verir, o cavab verdikcə yeniləri deyilir, bu məcbur qalıb Prezidentə minnət mesajı göndərir və s. Öyrənilməli və ümidlənməli nəticələr var".

"Kommersant.az"-ın xəbərinə görə, bunu siyasi fəal Sahib Kərimli deyib.

S.Kərimlinin sözlərinə görə, məmurlar görməlidir ki, dövlət vəzifəsi daimi deyil, vəzifədən gedən adam da qısa müddətdə heç kim olduğunu başa düşür: "Milli sistemə düşmən kəsilməyin bir gün başında çatlayacaq və kabinetinə əyilə-əyilə girənlər üstünə daşla gələcək. Öyrənilməli və təbliğ olunmalıdır ki, milli dövləti kiçik görən, xor görən, inkişaf etdirmək əvəzinə zəiflədən başqa məmurlar da nəticə çıxarsın. Ümidlənməli nəticə də var. Rusiyanın Qafqazdakı siyasi elitasının zəifləməsi milli sistemə xidmət etmək istəyənlərə fürsətlər yaradacaq".