Türk Standartları İnstitutu (TSE) Sektor Toplantılarının 5-cisi iş dünyasının iştirakı ilə İzmirdə keçirilib. Toplantıda İzmir valisi Dr. Süleyman Elban, İZTO Başçısı Mahmud Özgener, EBSO Başçısı Ender Yorgancılar, İzmir Ticarət Birjası sədr müavini Ercan Qorxmaz, EİB sədri Jak Eskinazi və TSE sədri Mahmud Sami Şahin və çox sayda iş adamı iştirak edib.
İzmirin yeni valisi Dr. Süleyman Elban İzmirin sənaye, kənd təsərrüfatı, turizm və ticarətdə güclü bir vilayət olduğunu, İzmirin zəngin potensialını inkişaf etdirmək və daha yüksək nöqtələrə daşımaq üçün birlikdə çalışacaqlarını bildirib.
TSE standartlarının və beynəlxalq standartların rəqabətdə önəmli faktorlar olduğunu qeyd edən Elban, “İstehsal etdiyimiz hər məhsulda təkcə öz ölkəmizdə deyil, dünya standartlarını da istehsal etsək uğur qazanarıq. TSE standartına cavab vermək vacibdir, lakin məqsədimiz həmişə standartlardan yüksək məhsul istehsal etmək olmalıdır" deyib.