“Azərbaycan Sənaye Bankı” (qısaca - ASB) 2023-cü ilin ilk yarısına olan hesabatını açıqlayıb. Hesabata görə ASB-nin məcmu kapitalı 2022-ci ilin son rübü ilə müqayisədə 1 milyon 911 min manat və ya 1.82 faiz artaraq 106 milyon 564 min manata yüksəlib.
Kommersant.az xəbər verir ki, ASB-nin aktivlər cəmi ötən ilin sonu ilə müqayisədə 40 milyon 8 min manat və ya 5.35 faiz azalaraq 707 milyon 533 min manata düşüb. Bu azalmada əsas səbəb bankın nastro hesablarının həcminin 43 milyon 627 min manat azalaraq 11 milyon 678 min manata enməsidir.
ASB-nin kredit portfeli isə 6 ay ərzində 427 min manat kiçilərək 241 milyon 169 min manat olub. Mümkün zərərlər üçün yaradılan ehtiyata 10 min manat ayırdığı üçün isə xalis kreditləri 417 min manat azlaraq 235 milyon 671 min manata düşüb.
Fiziki şəxslərin ASB-dən əmanətlərini çəkməsi bankın öhdəliklər cəminin azalmasına səbəb olub. Belə ki, bankın depozit portfeli 13 milyon 51 min manat və ya 2.9 faiz azalaraq 436 milyon 624 min manata düşüb. Fiziki şəxslərin bankdakı əmanətlərinin həcmi 35 milyon 477 min manat azalaraq 317 milyon 782 min manata bərabərləşib. Hüquqi şəxslərin əmanətləri isə 22 milyon 427 min manat artaraq 118 milyon 841 min manata yüksəlib. Yekunda bankın öhdəliklər cəmi 41 milyon 798 min manat və ya 6.55 faiz azalaraq 595 milyon 763 min manata düşüb.
ASB-nin cəmi kapitalı 1 milyon 711 min manat artaraq 111 milyon 770 manata çatıb. Bankın bölüşdürülməmiş mənfəətinin 1 milyon 978 min manat artaraq 46 milyon 691 min manata bərabərləşib. Ümumi ehtiyatlarını isə 268 min manat azaldaraq 5 milyon 78 min manata enib.
ASB
2023 (II Rüb)
2022 (IV Rüb)
Fərq
Cəmi Aktivlər
707,533
747,621
-40,008
Kreditlər
241,169
241,596
-427
Mümkün zərərlər üçün yaradılan məqsədli ehtiyat
5,498
5,508
-10
Xalis Kreditlər
235,671
236,088
-417
Cəmi Öhdəliklər
595,763
637,561
-41,798
Depozit
436,624
449,675
-13,051
Fiziki şəxslərin əmanətləri
317,782
353,259
-35,477
Hüquqi şəxslərin əmanətləri
118,841
96,414
22,427
Cəmi Kapital
111,770
110,059
1,711
Bölüşdürülməmiş mənfəət
46,691
44,713
1.978
Ümumi ehtiyatlar
5,078
5,346
-268
Məcmu kapital
106,564
104,653
1,911
ASB-nin faiz gəliri ötən ilin ilk yarısı ilə müqayisədə 3 milyon 858 min manat artaraq 15 milyon 991 min manata, faiz xərcləri isə 2 milyon 654 min manat artaraq 7 milyon 932 min manata yüksəlib. Nəticədə bank 8 milyon 56 min manat xalis faiz gəliri əldə edib ki, bu da ötən ilin sonu ilə müqayisədə 1 milyon 253 min manat və ya 18.4 faiz çoxdur.
Bankın qeyri-faiz gəliri 741 min manat artaraq 5 milyon 18 min manata, qeyri-faiz xərcləri isə 2 milyon 327 min manat artaraq 10 milyon 461 min manata çatıb. Buna görə də bankın əməliyyat mənfəəti 2 milyon 612 min manata bərabər olub ki, bu da 2022-ci ilin 2-ci rübü ilə müqayisədə 334 min manat azdır.
Əldə edilən əməliyyat mənfəətindən 150 min manat aktivlər üzrə yaradılan məqsədli ehtiyata ayrıldığı üçün bankın mənfəəti 2 milyon 462 min manat təşkil edib. 483 min manat mənfəət vergisi ödəyən ASB-nin xalis mənfəəti 1 milyon 978 min manat olub. Bu da keçən ilin analoji dövrü ilə müqayisədə 1 milyon 24 min manat və ya 34.11 faiz azdır.