USD1,7000
EUR1,8634
GBP2,1133
RUB0,0208

Cənazələrin tərəziyə qoyub çəkilməsinə AZAL-dan cavab - Kiloya 30 qəpik...

11.10.2019 İqtisadiyyat
0 0
"Azərbaycan Respublikasının Tarif (qiymət) Şurasının "Hava nəqliyyatı ilə ölkədaxili sərnişindaşıma xidmətlərinin tariflərinin tənzimlənməsi barədə” 12 saylı Qərarına əsasən Ölkədaxili sərnişin hava gəmilərində yükün, poçtun və normadan artıq baqajın daşınması üçün tarif ƏDV daxil olmaqla 30 qəpik/kiloqram təsdiq edilib".

"Kommersant.az" xəbər verir ki, bu sözləri Qaynarinfo-ya Azərbaycan Hava Yolları QSC-nin (AZAL) prezidentinin ictimaiyyətlə əlaqələr üzrə köməkçisi Paşa Kəsəmənski AZAL təyyarələrində aparılan cənazələrin tərəzidə çəkildiyi və çəkiyə uyğun olaraq yaxınlarından pul tələb edildiyi məsələsinə münasibətində bildirib.

Qurum rəsmisi qeyd edib ki, həmin qərarə əsasən cənazənin daşınması üçün istisnalar nəzərdə tutulmayıb və bu səbəbdən daşınma ümümi qaydalar çərçivəsində həyata keçirilir:

"Həmçinin qeyd etmək istərdik ki, Azərbaycan Hava Yolları QSC-də daxil olmaqla bütün dünyada cənazənin hava nəqliyyatı vasitəsilə daşınmasına dair bir sıra ümumi qayda və sanitar tələblər mövcuddur ki, bunlardan da biri cənazənin daşınması üçün xüsusi hermetik olaraq bağlanıb və sink təbəqələr ilə örtülmüş tabutdan istifadə olunması zəruridir. Bu isə öz növbəsində cənazənin daşınma qiymətinə təsir edir. Eləcə də, cənazənin daşınmasına yalnız müşayiət edən şəxsin olduğu təqdirdə icazə verilir".

Məsələyə münasibət bildirən millət vəkili Fazil Mustafa Qaynarinfo-ya açıqlamasında cənazələrin istisna hal kimi xidmət haqqını ehtiva edən simvolik ödənişlə daşınması təklifini irəli sürüb:

"Fikrimcə ölkədaxili sərnişin hava gəmilərində yükün, poçtun və normadan artıq baqajın daşınması üçün tarif ƏDV daxil olmaqla 1 kq. üçün 30 qəpik təsdiq edilməsi və cənazənin daşınması üçün istisnalar nəzərdə tutulmaması vətəndaşları çətin duruma salır. Xüsusilə də blokada şəraitində olan Naxçıvan sakinləri üçün cənazələrinin daşınmasında ciddi problemlər yaradır. Bu cənazələrin istisna hal kimi xidmət haqqını ehtiva edən simvolik ödənişlə daşınması daha məqsədəuyğun olardı. Naxçıvan sakinlərinin alternativ yolları olmadığından yalnız təyyarə ilə cənazələrini doğma torpağa çatdırmaları mümkündür. Bu səbəbdən də qaydalara yenidən baxılmalı, Naxçıvan sakinlərinin durumu nəzərə alınmalıdır. AZAL da bu dəyişikliklərdən sonra bu qaydalara əməl etməlidir".

Xatırladaq ki, Naxçıvan Muxtar Respublikasının sakinlərinin şikayətinə əsasən, AZAL təyyarələrində Naxçıvana cənazə aparmaq müşkül məsələyə çevrilib. Belə ki, cənazələrin təyyarə ilə daşınması üçün xüsusi dəmir tabutlara yerləşdirilməsi, sənədlərin təftiş olunub, "neçə kilodu?" soruşulması, ona uyğun vəsait tələb olunması ciddi narazılığa səbəb olub.

Qeyd edək ki, şimal qonşumuz Rusiyada cənazənin daşınması üçün son qiymət əlavə xidmətlərin dəyərindən (başqa ölkənin səfirliyi üçün sənədləşmə işləri, cəsədin müşayiət olunması və s.) və aviaşirkətin tariflərindən asılıdır. Qardaş ölkə Turkiyədə isə, Türk Hava Yolları və "Pegasus" şirkətlərinin cənazə köçürmə xidmətləri var. Türk Hava Yollarına bir cənazə üçün 300 TL, "Pegasus"a isə uşaqlar üçün 250 TL, böyüklər üçün 500 TL ödənir. Mərhumun yaxınları da eyni təyyarədən bileti endirimlə ala bilərlər. Xarici köçürmələr isə qiymət təyin olunan yerdən və cənazənin götürüləcəyi ölkədən asılı olaraq dəyişir.

  • Əvvəlki

    Gürcüstanın Azərbaycana 6,9 mln. dollara yaxın borcu yaranıb

Digər xəbərlər

19.03.2024 İqtisadiyyat
Azərbaycan nefti bahalaşıb
0 0
18.03.2024 İqtisadiyyat
İraq neft ixracını azaldacaq
0 0
18.03.2024 İqtisadiyyat
Morgan Stanley-dən neft proqnozu
0 0