Gürcüstandan Azərbaycana gələn turistlərin sayı açıqlanıb

23.08.2019 Turizm
2019-cu ilin ikinci rübündə Gürcüstandan Azərbaycana 117.9 min nəfər səyahət edib.

APA-nın yerli bürosu xəbər verir ki, bu barədə Gürcüstan Milli Statistika İdarəsinin rüblük hesabatında məlumat verilib. Bildirilib ki, hesabat dövründə Gürcüstandan Azərbaycana edilən turist səfərləri bu ölkədən xaricə edilən səfərlərin ümumi sayının 20.4 faizini təşkil edib.

Hesabat dövrü ərzində Gürcüstandan ən çox turistin Türkiyəyə getdiyi bildirilib. Aprel-iyun ayları ərzində Gürcüstandan Türkiyəyə gedən turistlərin sayı 255.3 min nəfər olub ki, bu da hesabat dövründə xaricə səfər edən turistlərin ümumi sayının 44.3 faizini təşkil edib.