Avropa Birliyinin Rusiyaya qarşı iqtisadi sanksiyaları bir il uzadılıb.
"Kommersant.az" xəbər verir ki, qərar Aİ Şurası tərəfindən təsdiqlənib. Bu haqda məlumat Aİ-nin rəsmi saytında dərc edilib. Məhdudiyyətlər 2021-ci ilin iyununa qədər uzadılıb.
"İnsan hüquqlarının pozulması, "pasportlaşdırma", Kerç boğazı üzərindən dəmiryol əlaqəsinin açılması, Krımda qanunsuz səsvermə səbəbi ilə təzyiqləri artırmalıyıq", - deyə Ukraynanın Xarici İşlər naziri Dmitri Kuleba Tvitter səhifəsində yazıb.
Xatırladaq ki, 2014-cü ildə Krımın Rusiyaya birləşdirilməsindən sonra ABŞ, Avropa Birliyi və bir sıra digər ölkələr Rusiyaya qarşı sanksiyalar tətbiq edib və sanksiyalar ildən-ilə yenilənib.