Azərbaycandan Rusiyaya pomidor ixracı kəskin artıb

19.05.2022 Dünya
2022-ci ilin ilk 4 ayı ərzində Azərbaycandan 58 milyon 217 min dollar dəyərində 48 min 68 ton pomidor ixrac edilib.

"Kommersant.az" xəbər verir ki, bu barədə Dövlət Gömrük Komitəsinin aylıq hesabatında bildirilir.

2021-ci ilin ilk 4 ayı ərzində Azərbaycandan 42 milyon 271 min dollar dəyərində 36 min 674 ton pomidor ixrac edilmişdi. Beləliklə, pomidor ixracı dəyər ifadəsilə 38%, miqdar ifadəsilə 31% artıb.

2022-ci ilin aprel ayında Azərbaycandan 19 milyon 395 min dollar dəyərində 16 min 305 ton pomidor ixrac edilmişdi.