İnam Kərimovun Yevlaxda sakinlərlə görüşünün tarixi dəyişdirilib

17.05.2018 Aqrar
Azərbaycan kənd təsərrüfatı naziri İnam Kərimovun Yevlax rayonunda Goranboy, Yevlax, Göygöl, Samux və Daşkəsən rayonlarının sakinləri ilə nəzərdə tutulan görüşünün tarixi dəyişdirilərək may ayının 23-nə keçirilib.

Nazirlikdən "Kommersant.Az"a verilən məlumata görə, görüşdə iştirak etmək istəyənlər Yevlax Rayon Kənd Təsərrüfatı İdarəsinə (050-435-06-06) müraciət edə bilərlər.

Qəbula yazılmaq üçün, həmçinin Kənd Təsərrüfatı Nazirliyinin “Çağrı mərkəzi” (1652) və elektron poçtu (web@agro.gov.az) vasitəsi ilə də qeydiyyatdan keçmək olar.