Bayram yarmarkalarında qiymətlər necədir? - VİDEO

09.03.2019 Aqrar
Novruz bayramı ilə əlaqədar olaraq paytaxtın müxtəlif yerlərində təşkil olunan kənd təsərrüfatı məhsullarının satış yarmarkalarında bu gün də alıcı və məhsul bolluğu müşahidə edilib.

Alıcılar qiymətlərin ucuz olduğunu bildirirlər. Satıcılar isə məhsulları heç bir vasitəçi olmadan birbaşa satışa çıxarmağın onlar üçün sərfəli olduğunu, alıcının isə bazarlara nisbətən bol olduğunu deyirlər. Qiymətlərə nəzarət üçün Kənd Təsərrüfatı Nazirliyinin və yerli icra orqanlarının əməkdaşları mütəmadi olaraq yarmarkada müşahidələr aparırlar.

Ötən həftədən başlayan Novruz yarmarkaları bu gün də öz işini davam etdirib. Burada çoxçeşidli kənd təsərrüfatı məhsulları bazar qiymətlərindən xeyli ucuz təklif edilir.

Satıcılar alıcı bolluğundan və satışların yaxşı olmasından nazılıq edirlər.

Elə alıcılar da qiymətlərin bazarlardan fərqləndiyini deyirlər.

Qiymətlərə nəzarət etmək üçün Kənd Təsərrüfatı Nazirliyi və yerli icra hakimiyyəti orqanlarının əməkdaşları mütəmadi müşahidələr aparırlar.

Yarmarkalar paytaxtın 14 məntəqəsində fəaliyyət göstərir. Yüksək vəzifəli dövlət rəsmiləri də yarmarkalarda iştirak edərək qiymətlər və yaradılan şəraitlə tanış olublar.