Azərbaycan ərzaq buğdası ilə özünü tam təmin etmək niyyətindədir

03.10.2019 Aqrar
Azərbaycanda hər il ərzaq buğdası istehsalının təqribən 200 min ton artırılması növbəti dövrdə ölkənin bu sahədə özünün təminat göstəricisinin yüksəlməsi üçün kifayət edəcək.

"APA-Economics"in məlumatına görə, bunu jurnalistlərə Aqrar Tədqiqatlar Mərkəzinin rəhbəri Firdovsi Fikrətzadə deyib.

Onun sözlərinə görə, hazırda Azərbaycanın ərzaq buğdası ilə özünü təminat göstəricisi 62% təşkil edir: "Məqsədimiz – bu göstəricini daha da yuxarı göstəriciyə çatdırmaqdır".