USD1,7000
EUR1,8634
GBP2,1133
RUB0,0208

İmişlidə taxıl sahələrinə 40-dək kombayn çıxarılıb

28.05.2020 İqtisadiyyat
0 0
İmişlinin fərdi fermer təsərrüfalarında taxıl biçininə başlanıb və ilk iş günündə 85 hektar sahədə biçin aparılıb. Hər hektarın məhsuldarlığı orta hesabla 28,3 sentner olub.

Rayon Dövlət Aqrar İnkişaf Mərkəzindən bildirilib ki, 2019-ci ilin payızında rayonda 18 min 558 hektar sahədə taxıl əkilib. Bunun 7 min 62 hektarı arpa, 1089,8 hektarı isə buğdadır. Ötən təsərrüfat ilində hər hektar taxıl sahəsindən 36,7 sentner məhsul götürən torpaq mülkiyyətçiləri cari ildə bu nəticəni daha da artırmaq üçün sahələrə nümunəvi qulluq göstəriblər. Bunun nəticəsində də taxıl sahələrində bol məhsul yetişib.

İki gündür ki, zəmilərdə yetişmiş məhsulun yığımına başlanılıb. Biçin ilk olaraq arpa sahələrində aparılır. Kampaniyanı vaxtında başa çatdırmaq üçün bütün qüvvələr səfərbər olunub, diqqət məhsulun itkisiz yığılmasına yönəldilib. Bu məqsədlə sahələrə 40-a yaxın kombayn çıxarılıb, məhsulun daşınması və digər işlərin həlli üçün 150-dən çox maşın və mexanizm işə cəlb olunub.

Mütəxəssislərin fikrincə, bu il rayonda təxminən 85 min ton məhsul götürmək mümkün olacaq.

Qeyd edək ki, ötən il rayonda 19 min 37 hektar taxıl sahəsindən 70 min 812 ton taxıl yığılıb və hər hektarın məhsuldarlığı 36,7 sentner olub.

  • Əvvəlki

    Şəkinin bitib-tükənməyən su problemi: "Ağac sulamağa yox, içməyə su istəyirik" - VİDEO

Digər xəbərlər

19.03.2024 İqtisadiyyat
Azərbaycan nefti bahalaşıb
0 0
18.03.2024 İqtisadiyyat
İraq neft ixracını azaldacaq
0 0
18.03.2024 İqtisadiyyat
Morgan Stanley-dən neft proqnozu
0 0