21.04.2021 Bank

0 0

“Kommersant.az” bankın hesabatına istinadən xəbər verir ki, ABB -nin faiz gəlirləri 1 il ərzində 391 min manat, faiz xərcləri isə 1 milyon 828 min manat artıb. Nəticədə bankın xalis faiz gəlirində 1 milyon 438 min manatlıq geriləmə olub. Qeyri-faiz gəliri 3 milyon 176 min manat azalaraq 30 milyon 69 min manata, qeyri-faiz xərcləri isə 7 milyon 108 min manat artaraq 45 milyon 613 min manata yüksəlib. Bununla da dövlət bankı 63 milyon 908 min manatlıq əməliyyat mənfəəti əldə edib. Bu mənfəət 2020-ci ilin eyni dövrü ilə müqayisədə 11 milyon 722 min manat və ya 15,5% azdır.

Bankın məcmu kapitalı 43 mlyon 734 min manat və ya 3,6% azalaraq 1 milyard 149 milyon 870 min manata enib.

KREDİT PORTFELİ ARTIB

Dövlət bankının xalis kreditləri 2020-ci ilin eyni dövrü ilə müqayisədə 208 milyon 15 min manat artması bankın cəmi aktivlərinin böyüməsinə səbəb olub. Belə ki, ABB-nin cəmi aktiləri ötən ilin analoji dövrü ilə müqayisədə 274 milyon 672 min manat və ya 3% artaraq 9 milyard 155 milyon 624 min manata çatıb.

Xalis kreditlərinin artmasında biznes kreditlərinin rolu böyük olub. Dövlət bankında istehlak kreditləri 73 milyon 824 min manat artaraq 626 milyon 651 min manata, biznes kreditləri 98 milyon 707 min manat artaraq 1 milyard 347 milyon 857 min manata, daşınmaz əmlak kreditləri isə 54 milyon 191 min manat artaraq 688 milyon 805 min manata çatıb.

ABB müştərilərindən topladığı depozitlərin həcmini 355 milyon 58 min manat və ya 6,6% artıraraq 5 milyard 703 milyon 151 min manata çatdırıb. Bu artımın əsas payçısı isə hüquqi şəxslər olub. Onların bankdakı əmanətlərinin həcmi 1 il ərzində 308 milyon 578 min manat artaraq 4 milyard 508 milyon 755 min manata çatıb. Fiziki şəxslərin əmanətləri isə 46 milyon 481 min manat artaraq 1 milyard 194 milyon 396 min manata yüksəlib. Bu artımlar bankın öhdəliklər cəmini 310 milyon 151 min manat artıraraq 7 milyard 788 milyon 981 min manata bərabər olmasına səbəb olub.

Dövlət bankının bölüşdürülməmiş mənfəətinin 39 milyon 263 min manat azalması bankın kapitalının 35 milyon 478 min manat azalaraq 1 milyard 366 milyon 643 min manata enməsinə səbəb olub.