13.02.2023 Bank

2 0

Kommersant.az xəbər verir ki, bankların açıqladığı maliyyə hesabatına görə, Azərbaycanda fəaliyyət göstərən 25 bankdan 20-i cəmi öhdəliklərini artırsa da, 5 bankın öhdəliklər cəmi azalıb.

ÖHDƏLİKLƏRİ AZALAN BANKLAR

Siyahıya görə cəmi öhdəliklərini ən çox itirən bank “PremiumBank” olub. Onun öhdəliklər cəmi 11% azalıb ki, bu da 25 bank arasında ən çox azalma müşahidə olunan bankdır.

“Azərbaycan Sənaye Bankı”nın cəmi öhdəlikləri 2021 – ci ilin son rübü ilə müqayisədə 69 milyon 523 min manat və ya 10% azalaraq 637 milyon 561 min manata enib.

Rusların bankı da 2022-ci ildə öhdəliklər cəmini azalma ilə başa vurub. “Bank VTB”nin cəmi öhdəlikləri 5 milyon 327 min manat və ya 3.2% azalaraq 158 milyon 275 min manata düşüb.

“Naxçıvan Bank”ın öhdəlikləri cəmi isə 11 milyon 601 min manat və ya 4.7% azalaraq 234 milyon 274 min manata azalıb.

“PremiumBank” da 2022-ci ili cəmi öhdəliklərini azaldaraq başa vurub. Bankın öhdəliklər cəmi 64 milyon 762 milyon manat və ya 11.3% azalaraq 509 milyon 638 min manatadək əriyib.

“RabitəBank”ın cəmi öhdəlikləri 75 milyon 54 min manat və ya 8.2% azalaraq 843 milyon 394 min manata enib.

KORPORATİV BANKLAR

Korporativ banklar arasında ən çox artım “AzərTürk Bank”da qeydə alınıb. Dövlət bankının cəmi öhdəlikləri 2021-ci ilin son rübü ilə müqayisədə 545 milyon 635 min manat və ya 1.5 dəfə artaraq 895 milyon 983 min manata yüksəlib.

Cəmi öhdəliklərini ən az artıran korporativ bank isə “AFB Bank” olub. Bankın cəmi öhdəlikləri 7 milyon 851 min manat və ya 4.1% artıraraq 198 milyon 906 min manata çatdırıb.

RETAİL BANKLAR

RETAİL banklar arasında “YeloBank” cəmi öhdəliklərini 60.3% artıraraq adını lider kürsüsünə yazdırıb. Bankın öhdəliklər cəmi 2021-ci ilin son rübü ilə müqayisədə 280 milyon 321 min manat artaraq 745 milyon 266 min manata bərabər olub.

Sözügedən banklar arasında ən az artıma isə “TuranBank” sahib olub. Bankın cəmi öhdəlikləri 2021-ci ilin son rübü ilə müqayisədə 103 milyon 362 min manat və ya 16.5% artaraq 731 milyon 255 min manata yüksəlib.