USD1,7000
EUR1,8634
GBP2,1133
RUB0,0208

Xəzərə axıdılan çirkli suyun mənşəyi məlum oldu - VİDEO

09.09.2020 İqtisadiyyat
0 0
Baku Tv-nin qaynar xəttinə Xəzər dənizinin çirkab suyu ilə bağlı şikayət videosu göndərilib.

Televiziyanın əməkdaşları şikayət əsasında Lökbatan dairəsi yaxınlığında yerləşən Şıxov çimərliyi ərazisinə gedərək süjet hazırlayıb.

Borudan dənizə axıdılan su təxminən 5-10 dəqiqədən bir gah durulur, gah da bulanır. Yəni daimi çirkli su axmır. Yəqin ki, bu da hansısa istehsal prosesi ilə bağlıdır. Videogörüntülərdə axıdılan suyun yaxınlıqdakı sement zavodundan qaynaqlandığı qeyd edildiyinə görə, əməkdaşlar həmin müəssisəyə üz tutub.

Həqiqətən də ərazidə hər hansı istehsal prosesi görünməyib. Zavoddakı beton istehsal edən qurğular isə tamamilə fəaliyyətsiz vəziyyətdədir. Üstəlik, borunun mənbəyi də digər zavoda aiddir.

Nəhayət, əməkdaşlar borunun başlanğıc götürdüyü gəmi təmiri zavoduna çatıblar. Müəssisənin baş mühəndisinin sözlərinə görə, videogörüntülərdə əks olunan fikirlər tamamilə yanlışdır. Gəmilərin rahat yan alması üçün ərazidə dib dərinləşdirmə işləri aparılır. Axıdılan su da qazıntı zamanı gillə suyun qarışığından əmələ gəlib. Qısacası sementli su yox, palçıqlı su.

Baş mühəndis bildirib ki, Ekologiya və Təbii Sərvətlər nazirliyindən əraziyə baxış keçirilib və proseslə tanışlıq olub. Yəni hər-hansı qeyri-qanuni fəaliyyətdən söhbət gedə bilməz.

Bu məqsədlə Ekologiya və Təbii Sərvətlər Nazirliyi ilə də əlaqə saxlanılıb. Qurumdan bildirilib ki, həqiqətən də əraziyə baxış keçirilib. Axıdılan suyun isə heç bir ziyanı yoxdur. Çünki dəniz suyu ilə gilin qarışığından əmələ gələn sırf palçıqdır. Bir sözlə, dənizdən götürülən dənizə də qayıdır.

  • Əvvəlki

    "WhatsApp" istifadəçilərini "mətn bombaları" təhdid edir

Digər xəbərlər

28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0
27.03.2024 İqtisadiyyat
Türkiyənin xam neft idxalı artıb
0 0