USD1,7000
EUR1,8634
GBP2,1133
RUB0,0208

BP: “Şahdəniz 2” üzrə işlər ilk qazın əldə edilməsi qrafikinə uyğun irəliləyir

17.05.2018 İqtisadiyyat
0 0
“Şahdəniz 2” və Cənubi Qafqaz Boru kəmərinin genişləndirilməsi layihələri istismara başlamaq mərhələsinə daxil olaraq 2018-ci ildə ilk qazın əldə edilməsi qrafikinə uyğun irəliləyir.

"Kommersant.Az" xəbər verir ki, bu barədə "BP-Azerbaijan " şirkətinin məlumatında qeyd edilib.

"2017-ci ildə bütün layihə boyu əldə edilmiş bir sıra mühüm tikinti, istismar sınaqları və təhvil vermə nailiyyətlərindən sonra "Şahdəniz 2" və Cənubi Qafqaz Boru kəmərinin genişləndirilməsi layihələri istismara başlamaq mərhələsinə daxil olaraq 2018-ci ildə ilk qazın əldə edilməsi qrafikinə uyğun irəliləyir. "Şahdəniz 2" layihəsi üzrə ilk qazın əldə olunması üçün lazım olan iş həcmi mühəndis-layihə işləri, təchizat, tikinti və istismar sınaqları da daxil olmaqla, artıq 99% tamamlanıb",-məlumatda qeyd edilib.

Bildirilib ki, I rübdə "Şahdəniz 2" platformalarının hər ikisinin üst modullarının montajı və istismar sınaqları davam edib və surətlə irəliləyib: "Ümulikdə bu işlər 90% başa çatmaqla qrafiki qabaqlayır. Bu obyektlər artıq əməliyyatlar qrupuna təhvil verilib və işə salınma prosedurlarıyaxşı irəliləyir. Hazırda terminaldan platforma sisteminə ilk karbohidrogen daxil olmazdan əvvəl son yoxlama işləri aparılır".

Məlumata görə, Səngəçal terminalında "Şahdəniz 2" üçün inşa edilmiş obyektləri terminalın mövcud istismarda olan hissəsi ilə ayıran baryer sökülüb və hər iki hissə indi birləşdirilib. Yeni inşa edilmiş sistemə artıq ilk karbohidrogen daxil edilib. Bu, həm ilk kommersiya ixracının, həm də "Şahdəniz" "Bravo" obyektlərindən hasilatın başlanması üçün çox vacib bir əməliyyatdır.

  • Əvvəlki

    Sabaha olan hava proqnozu açıqlandı

Digər xəbərlər

28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0
27.03.2024 İqtisadiyyat
Türkiyənin xam neft idxalı artıb
0 0