Pensiya və sosial yardımların verilməsi ilə bağlı

Pensiya və sosial yardımların verilməsi ilə bağlı - DƏYİŞİKLİK

"Əmək pensiyaları haqqında" qanuna dəyişiklik edilir.

"Kommersant.az" xəbər verir ki, dəyişikliyə əsasən, həmin qanuna aşağıdakı məzmunda 30.1-1-ci və 31.1-1-ci maddələr əlavə olunur.

Əlavəyə görə, əmək pensiyalarının təyin edilməsi ilə bağlı elektron xidmətlər müvafiq icra hakimiyyəti orqanının mərkəzləşdirilmiş elektron informasiya sistemi vasitəsilə həyata keçiriləcək.

Digər əlavəyə görə, bu qanunun 31.1-ci maddəsinin ikinci cümləsinə uyğun olaraq əmək pensiyalarının avtomatlaşdırılmış qaydada təyinatı müvafiq icra hakimiyyəti orqanının mərkəzləşdirilmiş elektron informasiya sistemi vasitəsilə həyata keçiriləcək.

"Ünvanlı dövlət sosial yardımı haqqında" qanuna da eyni məzmunda dəyişiklik edilir. Həmin qanuna 6.3-cü maddə əlavə olunur.

Əlavəyə görə, sosial yardımın alınması ilə bağlı elektron xidmətlər müvafiq icra hakimiyyəti orqanının mərkəzləşdirilmiş elektron informasiya sistemi vasitəsilə həyata keçiriləcək.

"Sosial sığorta haqqında", "Sosial müavinətlər haqqında" qanunlara da eyni məzmunda dəyişikliklər edilir.