Bu ilin ilk dörd ayı ərzində Azərbaycan Gürcüstandan 4 milyon 712,8 min dollar dəyərində 2084,7 ton diri iribuynuzlu mal-qara idxal edib.
"Kommersant.Az" xəbər verir ki, Gürcüstanın Milli Statistika İdarəsinin hesabatına görə, ötən ilin yanvar-aprel ayları ilə müqayisədə qonşu ölkədən mal-qaranın idxalı 2,7 dəfə artıb.
İdxal olunmuş mal-qaranın dəyəri ötən ilin analoji göstəricisi ilə müqayisədə 3 milyon 687,2 min dollar və ya 4,5 dəfə çoxdur.
Qeyd edək ki, ötən ilin ilk dörd ayı ərzində Azərbaycan Gürcüstandan 1 milyon 25,6 min dollar dəyərində 770,6 ton diri iribuynuzlu mal-qara idxal etmişdi.