.png)
Aqrar Sığorta Fondu icraçı sığorta qurumu təsis edəcək
"Kommersant.Az" xəbər verir ki, bunu Kənd Təsərrüfatı Nazirliyi yanında Kənd Təsərrüfatı Layihələri və Kreditlərin İdarə Edilməsi üzrə Dövlət Xidmətinin rəisi Mirzə Əliyev bildirib.
Onun sözlərinə görə, aqrar sığorta ilə bağlı Türkiyə modelindən istifadə ediləcək. M.Əliyev bildirib ki, Azərbaycanda Aqrar Sığorta Fondu yaradılacaq və həmin fond tərəfindən icraçı sığorta qurumu müəyyən olunacaq.
"İcraçı sığorta qurumu dedikdə bu, hər hansı sığorta şirkətinin seçilməsi demək deyil. Bu, bütün sığorta şirkətlərinin iştirakı ilə özəl və dövlət əməkdaşlığı əsasında bazar tələblərinə uyğun olaraq yeni qurumun yaradılmasıdır. Bu qurum Aqrar Sığorta Fondu tərəfindən təsis olunacaq. Düşünürük ki, fondun təsdiq olunduğu ilk ildə müxtəlif dövlət proqramları ilə tənzimlənən bir neçə prioritet sahə əsas götürüləcək. Sonra bu, digər kənd təsərrüfatı sahələrinin də sığortalanmasına gətirib çıxaracaq", - deyə xidmət rəisi əlavə edib.
Digər xəbərlər
.jpg)
