USD1,7000
EUR1,8634
GBP2,1133
RUB0,0208

Dəmir yolu qovşağında kompleks mülki müdafiə təlimi keçirilib

24.05.2018 İqtisadiyyat
0 0
Nazirlər Kabinetinin 1998-ci il 25 sentyabr tarixli 193 nömrəli qərarı ilə təsdiq olunmuş “Azərbaycan Respublikasında fövqəladə hadisələrdən müdafiə sahəsində əhalinin hazırlanması Qaydaları”na və “Azərbaycan Dəmir Yolları” QSC-nin 2018-ci il üçün mülki müdafiə tədbirlər planına müvafiq olaraq, 24 may 2018-ci il tarixdə İmişli dəmir yolu qovşağının ərazisində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsi” mövzusunda növbəti kompleks mülki müdafiə təlimi keçirilib.

"Azərbaycan Dəmir Yolları" QSC-dən "Kommersant.Az"a verilən məlumata görə, cəmiyyətin bütün sahələrində olduğu kimi əhalinin və ərazilərin fövqəladə hallardan qorunması, fövqəladə halların qarşısının alınması, nəticələrinin aradan qaldırılması sahəsində "Azərbaycan Dəmir Yolları" QSC-də böyük işlər görülür. Fövqəladə hallar zamanı idarəetmənin təkmilləşdirilməsi, əhalinin mühafizəsinin təşkili və mülki müdafiəyə hazırlanması ilə yanaşı "Azərbaycan Dəmir Yolları" QSC-nın qarşısında duran başlıca vəzifələrdən biri də peşəkar və çevik xilasedici qüvvələrin hazırlanması, mükəmməl texniki və informasiya bazalarının yaradılmasıdır.

Təlimin keçirilməsində əsas məqsəd fövqəladə hal baş verdikdə xilasetmə və digər təxirəsalınmaz işlərin həyata keçirilməsi zamanı qovşağın ərazisində yerləşən obyektlərin mülki müdafiə planlarının reallığını əks etdirməklə, mövcud xəbərdarlıq sxemi əsasında mülki müdafiə qüvvələrinin çevik qaydada hazır vəziyyətə gətirilməsi, hadisə yerinə göndərilməsi, yaranmış vəziyyətin qiymətləndirilməsi, hadisə yerindən məlumatların toplanması üçün mülki müdafiə dəstələrinin şəxsi heyətinə praktik vərdişlərin aşılanmasıdır. Təlim zamanı komandir-rəis heyətinin idarəetmə bacarıqlarının və mülki müdafiə dəstələrinin şəxsi heyətinin peşəkarlıq səviyyəsinin artırılmasına, təhlükəsizlik qaydalarına ciddi riayət olunmasına xüsusi diqqət yetirilib.

"Azərbaycan Dəmir Yolları" QSC-nin sədri yanında hərəkətin təhlükəsizliyi üzrə baş texniki müfəttişliyinin təşkilatçılığı ilə keçirilən təlimə qovşağın Fövqəladə Hallar Komissiyasının üzvləri, obyekt rəhbərləri və mülki müdafiə qüvvələri cəlb edilib. Təlimdə qovşağın mülki müdafiə qüvvələri şərti olaraq fövqəladə hal baş verən ərazinin mühafizəsi, sahəyə giriş-çıxışın məhdudlaşdırılması, baş verən yanğının söndürülməsi, rabitənin bərpası, kimyəvi zəhərlənmə zonasının lokallaşdırılması, obyektdə kimyəvi kəşfiyyatın təşkili, axtarış xilasetmə, zərərçəkənlərə ilkin tibbi yardımının göstərilməsi, epidemiya və epizootiyaya qarşı mübarizə tədbirləri və adamların təhlükəsiz ərazilərə təxliyəsi işlərinin aparılması ilə bağlı tapşırıqları yüksək səviyyədə yerinə yetiriblər.

İmişli qovşağının ərazisində keçirilən kompleks təlimi həyəcan siqnalının verilməsi ilə başlayıb. Rəhbər işçilər qovşaq mülki müdafiə rəhbərinin yanında toplanıblar. Qovşaq rəhbəri, stansiyasının rəisi Süleyman Nəsirov məlumat verib ki, şərti olaraq səhər saatlarında baş verən zəlzələ nəticəsində bir yük vaqonu aşıb, dirəklərin yıxılması nəticəsində elektrik naqilindən düşən qığılcımdan sərnişin vaqonunda yanğın baş verib, stansiyanın bəzi sahələrində uçqunlar olub, uçqunlar altında qalanlar, ölənlər və yanğından zərər çəkənlər və xəsarət alanlar var.

Təbii fəlakətin nəticələrinin aradan qaldırılması üçün təlim rəhbərinin verdiyi tapşırıqları yüksək peşəkarlıqla həyata keçirən İmişli Mühafizə komandası ərazini dərhal çəpərləyib, kəşfiyyat manqaları kəşfiyyat aparıb nəticələri barədə mülki müdafiə rəhbərinə məruzə edib, müvəqqəti rabitə bərpa edilib. Yüksək hazırlıqlı Yanğından mühafizə qatarı yanğın ocaqlarını söndürüb, xilasetmə manqaları yaralılara ilkin tibbi yardım göstərib və ərazidən kənarlaşdırıb. Bərpa manqalar bərpa işlərinə başlayıb.

Təlimdən sonra keçirilən müşavirədə Fövqəladə hallar və mülki müdafiə işləri üzrə texniki müfəttiş İsa Xudiyev çıxış edərək stansiyada mülki müdafiə qüvvələrinin hazırlıq vəziyyətinin qənaətbəxş olduğunu bildirib və aktiv iştiraka görə hər kəsə minnətdarlıq edib.

  • Əvvəlki

    Donald Trampdan İlham Əliyevə məktub: “Birgə işləməyi səbirsizliklə gözləyirəm”

Digər xəbərlər

28.03.2024 İqtisadiyyat
Dünya birjalarında neft neçəyə satılır?
0 0
28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0