.png)
.jpg)
"Azərbaycanın fond bazarı Qərbi Avropa, Amerika və Asiyanın institusional investorları üçün açıq olacaq"
"Kommersant.az" xəbər verir ki, bunu "Report"a eksklüziv açıqlamasında "Raiffeisen Bank International"ın icraçı direktoru Atilla Salay-Berzevici (Attila Szalay-Berzeviczy) Maliyyə Bazarlarına Nəzarət Palatası (MBNP) ilə imzalanan kapital bazarlarının, depozitlər və klirinq-hesablaşma əməliyyatlarının təkmilləşdirilməsi üzrə əməkdaşlığa dair Anlaşma Memorandumunu şərh edərkən deyib.
Atilla Salay-Berzevicinin fikrincə, bu memorandumdan sonra Azərbaycan qiymətli kağızlar bazarı xarici sərmayədarlar üçün daha da əlçatan olacaq:
"Memoranduma əsasən, biz Azərbaycan qiymətli kağızlar bazarını xarici investorlara açmaq üçün Milli Depozit Mərkəzi (MDM) və hökümətlə çalışacağıq. İnfrastruktur arasında bağlantı qurmaq və zəruri tənzimləmə dəyişiklikləri etmək çox önəmlidir. Şübhəsiz ki, biz oxşar bazarlarda əldə etdiyimiz təcrübəni, bilgini Azərbaycanda bölüşmək imkanı əldə etdik və bunlar Azərbaycan qiymətli kağızlar bazarını Qərbi Avropa, Amerika və Asiyanın institusional investorları üçün açıq olmağa kömək edəcək".
Digər xəbərlər
Avropa fond bazarları, Böyük Britaniya istisna olmaqla, müsbət tendensiyalar göstərir
"Süni İntellektual Baloncuk" 2026-cı il üçün ən böyük riskdir - Deutsche Bank
