ABŞ-ın sanksiyaları “Huawei”yə nə qədər zərər vuracaq?
"Kommersant.az" xəbər verir ki, bunu şirkətin banisi və rəhbəri Ren Jenqfei canlı yayımda bildirib.
"Çox güman ki, yaxın iki il ərzində istehsalı azaldacağıq, gəlirimiz də daha əvvəlki proqnozlara nisbətən 30 milyard dollar az olacaq", – deyə şirkətin rəhbəri qeyd edib.
1987-ci ildə yaradılan "Huawei" şirkəti telerabitə avadanlığı, smartfonlar və cihazlar istehsal edir. Ötən ilin avqust ayında ABŞ prezidenti Donald Tramp məxfi məlumatlar toplamaqda ittihamlar irəli sürüldüyü "Huawei" şirkətinin məhsullarının hökumət idarələrində istifadəsinə qadağa qoyan fərman imzalamışdı. Şirkət bunu qanuni hüquqlarına qəsd olaraq qiymətləndirərək nəticədə ABŞ-ın 5G texnologiyasının tətbiqində geri qalacağını açıqlamışdı.
Bu il may ayının 15-də prezident Tramp ölkəsinin informasiya məkanını xarici təhdidlərdən qorumaq məqsədilə fövqəladə rejimin tətbiqi haqqında fərman imzalayıb. Mayın 17-də isə hökumət "Huawei" şirkətini milli təhlükəsizliyə təhlükə yaratdığına görə "qara siyahı"ya salıb.
Report
Digər xəbərlər
Taksi fəaliyyəti ilə bağlı hazırlanan qanun - Detallar necə olmalıdır?
