Çin nümayəndəsi FAO-nun baş direktoru seçildi
25.06.2019
İqtisadiyyat
0
0
Çin nümayəndəsi FAO-nun baş direktoru seçilib.
"Kommersant.az" xəbər verir ki, Çinin Kənd Təsərrüfatı Nazirinin müavini Çu Dunyu 4 il müddətinə BMT-nin Ərzaq və Kənd Təsərrüfatı Təşkilatının (FAO) yeni baş direktoru seçilib.
FAO-nun baş direktoru vəzifəsinə seçki iyunun 22-də İtaliyanın paytaxtı Romada işə başlayan qurumun 41-ci sessiyasında keçirilib. Səsvermədə Çu Dunyu 108 səs, fransalı Ketrin Jeslen-Lanel 71 səs, gürcü Davit Kirvalidze isə 12 səs toplayıb. Çin nümayəndəsi vəzifəsinin icrasına avqustun 1-də başlayacaq. O, FAO-nun rəhbəri seçilən ilk Çin nümayəndəsidir.
Qeyd edək ki, 56 yaşlı Çu Dunyu 2015-ci ildən Çinin Kənd Təsərrüfatı Nazirinin müavini vəzifəsində çalışır. Bundan əvvəl isə uzun illər Çin Kənd Təsərrüfatı Akademiyasında işləyib.
FAO-nun hazırkı baş direktoru braziliyalı Jose Qratsiano Da Silva 2011-ci ildən iki dövr təşkilata rəhbərlik edib.
Marja.az
Digər xəbərlər
31.05.2023
İqtisadiyyat
Əhaliyə şad xəbər - Bu şəxslər 50 yaşından pensiyaya çıxa bilər... - VİDEO
40
12
