Gömrük Komitəsinin sədri “Samur” gömrük postundakı mövcud vəziyyətlə tanış olub
Dövlət Gömrük Komitəsinin mətbuat xidmətindən "Kommersant.Az"-a bildirilib ki, DGK sədri Azərbaycanın Rusiya Federasiyası ilə dövlət sərhədində yerləşən "Samur" gömrük postunda sərhədkeçmə prosesinin sadələşdirilməsi, sərnişinlərin və nəqliyyat vasitələrinin sürətli və asan keçidinin təmin olunması barədə müvafiq tapşırıqların icra vəziyyətini öyrənib. Bu istiqamətdə görülmüş tədbirlərin səmərəliliyi barədə DGK sədrinə ətraflı məlumat verilib.
Daha sonra komitə sədri Azərbaycandan Rusiya Federasiyasına kənd təsərrüfatı məhsullarının daşınmasının vəziyyəti ilə maraqlanıb və həmin yükləri daşıyan nəqliyyat vasitələrinin sərhədkeçmə prosesində yarana biləcək problemlərin aradan qaldırılmasına, dövlət sərhədindən keçən şəxslərin və nəqliyyat vasitələrinin daha asan və sürətli keçidinin təmin edilməsinə, eləcə də gömrük nəzarətinin daha səmərəli təşkili üçün gömrük postunda aparılacaq yenidənqurma işlərinə dair tapşırıq və tövsiyələrini verib.
Digər xəbərlər
Qaz istismarı qaydalarının pozulmasına görə yeni cərimələr müəyyənləşir - MƏBLƏĞLƏR
"Tikinti materialları üzrə verginin bələdiyyələrdən alınması vahid yanaşma yaradacaq" - VERGİ XİDMƏTİ
