Bu il Yeni il yolkası Azadlıq meydanında quraşdırıla bilməyəcək
"Kommersant.az" xəbər verir ki, bu barədə Report agentliyinin sorğusuna cavab olaraq BŞİH-dən bildirilib.
Qeyd edilib ki, hazırlıq işləri çərçivəsində şəhərin müxtəlif yerlərində şam ağacları və dekorativ bəzək əşyaları qurulub və paytaxt ərazisində bayram əhval-ruhiyyəsi yaradılıb: "Əlavə olaraq rayon ərazilərində bayram əhval-ruhiyyəsinin ən yüksək səviyyədə təşkil edilməsi məqsədi ilə Bakı şəhərinin rayon icra hakimiyyətlərinə tərəfimizdən müvafiq tövsiyələr verilib. Bu il Azadlıq meydanında "Formula 1" yarışlarının konstruksiyalarının mövcudluğuna görə Şam ağacı qurulması mümkün olmadı. Amma Neftçilər prospekti boyunca və Azneft dairəsində dekorasiya işləri tamamlanmaq üzrədir. Yeniliklər barədə ictimaiyyətə əlavə məlumat veriləcək".
Qeyd edək ki, Yeni il yolkaları paytaxtın mərkəzi yerləri ilə yanaşı, rayonların ərazisindəki park və bağlarda quraşdırılacaq.
Digər xəbərlər
ING 2028-ci ilə qədər Azərbaycanda inflyasiya ilə bağlı proqnozlarını bölüşüb
Dəmir filizi qiymətlərinin artması Çin polad istehsalçılarını çətin vəziyyətdə qoyur
