"Twitter" S&P 500-ə daxil olur

Sosial media nəhəngi "Twitter", ABŞ-ın biotexnologiya şirkəti "Monsanto"nun yerinə S&P 500 indeksinə girir.

"Kommersant" xəbər verir ki, ABŞ-ın biotexnologiya şirkəti "Monsanto"nun "Bayer"ə satılmasından sonra sosial media nəhəngi "Twitter", "Monsanto"nun yerini alaraq S&P 500 indeksinə girəcək. Xəbərin ardından "Twitter" səhmləri 3%-dən çox bahalaşmışdır.

ABŞ-ın Ədliyyə Nazirliyi, "Monsanto"nun Almaniyanın kimya nəhəngi "Bayer"ə satışını 30 Mayda qəbul etmişdi. Müqaviləyə görə, "Bayer" "Monsanto" şirkətini 66 milyard dollar ödəyərək satın alır.

Müqavilənin 7 İyunda başa çatdırılması gözlənir. Yeni şirkətin adı "Bayer" olacraq qalacaq və Monsanto "şirkət adı" olaraq istifadə olunmayacaqdır.

"Monsanto" geni dəyişdirilmiş orqanizmlər (GMO) məsələsində dünyanın bir nömrəli şirkəti kimi tanınır. "Monsanto" bu sahədə fəaliyyətlərini qlobal qidalanma məsələsini həll etmək kimi izah edir.

Ancaq şirkətə qarşı xüsusilə Avropadan böyük reaksiyalar var. Geni dəyişdirilmiş hər hansı bir məhsulun Avropa torpaqlarında yetişdirilməməsi üçün illərdir mübarizə aparılır.

Kommersant.az

Xəbərin müəllifi

Facebok Twitter LinkedIn

Əvvəlki
Naxçıvana onlayn aviabilet almaq mümkün oldu
Sonrakı
8 min hektar sahə suvarılacaq - YENİ KANAL

Digər xəbərlər

11.07.2025 İqtisadiyyat