Kollec tələbələri keçmədikləri fənlərdən imtahan verəcək - İDDİA
07.07.2020
İqtisadiyyat
0
0
Astara Pedaqoji Kollecində birinci kurs tələbələrindən 13 fənn üzrə imtahan götürülməsinə qərar verilib.
"Kommersant.az" oxu.az-a istinadən xəbər verir ki, bu barədə sosial şəbəkələrdə paylaşımlar edilib.
Bəzi tələbələrin dediyinə görə, mart ayından dərslər dayandırıldığından fənlərin çoxu keçirilməyib, buna baxmayaraq, Astara Pedaqoji Kollecində hər fəndən imtahan təyin olunub.
İddiaya görə, kollecdən tələbələrə bildirilib ki, imtahanların sayının müəyyənləşdirilməsi birbaşa Təhsil Nazirliyinin səlahiyyətinə daxildir, kollec buna müdaxilə edə bilməz.
Məsələ ilə bağlı Təhsil Nazirliyindən oxu.az-ın sorğusuna cavab olaraq bildirilib ki, bu istiqamətdə müvafiq araşdırmalar aparılır.
Digər xəbərlər
