ABŞ-ın Çinin Hyustondakı baş konsulluğunu bağlaması qərarına Pekindən cavab gəlib.
"Kommersant.az" xarici mətbuata istinadən xəbər verir ki, Çin hökuməti ABŞ-a ölkənin cənub-qərbində yerləşən Çınqdu şəhərindəki baş konsulluğunu bağlaması barədə təlimat verib. Çin Xarici İşlər Nazirliyi bu qərarı ABŞ-ın məntiqsiz həmləsinə qarşı lazımlı və qanuni cavab olaraq dəyərləndirib.
Qeyd edək ki, İyulun 22-də ABŞ administrasiyası Çinin Hyustondakı Baş Konsulluğunun 72 saat ərzində bağlanması haqda göstəriş vermişdi. Buna əsas kimi isə Çin diplomatik nümayəndəliyinin cəsusluq və əqli mülkiyyət oğurluğu mərkəzinə çevrilməsi göstərilmişdi.