USD1,7000
EUR1,8634
GBP2,1133
RUB0,0208

SMS icazə sistemi yenidən tətbiq edilə bilərmi? - AÇIQLAMA

20.11.2020 İqtisadiyyat
0 0
"Koronavirusla bağlı vəziyyət çox ciddiləşib. Bu tək Azərbaycanda deyil, bütün dünyada belədir. Diqqət etsək, görərik ki, kəskin artımlar var. Bu vəziyyətin nə qədər davam edəcəyini demək çətindir. Yəqin ki, istilər düşənə qədər azalma olacaq".

"Kommersant.az" xəbər verir ki, bunu BAKU.WS-ə açıqlamasında millət vəkili Vahid Əhmədov bildirib.

Onun sözlərinə görə, hazırkı vəziyyətdə ölkəmizdə atılan addımları düzgün hesab edir: "Müəyyən qədər sərt tədbirlərə ehtiyac var. Çünki insanlar qaydalara riayət etmirlər. Son dövrlər müharibə və şəhidlər ilə əlaqədar toplu şəkildə yığışmalar çox oldu. Şəhidlərin dəfnləri zamanı 15-20 min insan bir yerə toplanırdı. Bu da yoluxmaya müəyyən qədər təsirini göstərdi. Amma indi müharibə dayanıb. Buna görə sərt tədbirlərə ehtiyac var.

İnsanlarımız maskadan birmənalı şəkildə istifadə etməlidirlər. Heç nəyə baxmadan və harada olmasından asılı olmayaraq əllər spirtlənməli, məsafə saxlanılmalıdır. Əgər artım olmasa, sərt qaydalar niyə tətbiq olunsun ki?

İndiki halda apteklər və ərzaq mallarının satışına icazə verilib. Lisenziyası olan taksilər də işləyə bilərlər. Lisenziyası olmayanlar, təbii ki, işləyə bilməyəcəklər. Yəni bu sərt tədbirlərin həyata keçirilməsi vacibdir. Çünki əhalinin sağlamlığından söhbət gedir".

Deputat əlavə edib ki, əgər sabah SMS icazə sistemi lazım olarsa, onu da tətbiq etmək lazımdır: "Burada qeyri-adi heç nə yoxdur. Amma hələlik tətbiq edilən ən yaxşı bu sistemdir və baxmaq lazımdır ki, bir həftə ərzində hansı nəticələr olacaq. Əgər azalmalar gedəcəksə, onda SMS icazə sisteminə ehtiyac olmayacaq. Bizə həm də iş lazımdır. İnsanlar işləməli, əməkhaqqı almalı, istehsal getməli və ölkənin iqtisadi vəziyyətinə təsir etməməlidir. Hələlik buna ehtiyac yoxdur.

İndi bizim şəhidlərimiz, müharibə zamanı yaralı əsgərlərimiz var. Biz onların hamısının ehtiyaclarını təmin etməliyik. Bu, bizim sosial öhdəlik və vəzifəmizdir. Buna görə işləmək lazımdır. Amma karantin də öz yerində qalır, bu qaydaları pozmaq olmaz".

  • Əvvəlki

    41 dövlət əmlakının özəlləşdiriləcəyi hərracın vaxtı açıqlanıb

Digər xəbərlər

28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0
27.03.2024 İqtisadiyyat
Türkiyənin xam neft idxalı artıb
0 0