"Xanoba" gömrük postunun genişləndirilməsi planlaşdırılır

23.06.2018 İqtisadiyyat
Rusiya ilə sərhəddə yerləşən Xaçmaz Gömrük İdarəsinin "Xanoba" gömrük postunun genişləndirilməsi planlaşdırılır.

"Kommersant" xəbər verir ki, bu barədə Dövlət Gömrük Komitəsində Fəaliyyətin Qiymətləndirilməsi və İnkişaf Proqramları Baş İdarəsinin Texnoloji İnnovasiyalar İdarəsinin rəisi Azər Abasov deyib.

O bildirib ki, mövcud gömrük postu qalmaq şərti ilə onun yanında yeni gömrük buraxılış məntəqəsi tikiləcək və bununla da "Xanoba" gömrük postunun fəaliyyətindəki səmərəlilik daha da artacaq.

A.Abasov qeyd edib ki, bu məsələ ilə bağlı komissiya yaradılıb və işlər aparılır.