Azərbaycan iqtisadiyyatı gələn il 3.3% böyüyəcək - FİTCH

08.10.2021 İqtisadiyyat
“Fitch Solutions” şirkəti bu il Azərbaycan iqtisadiyyatının 2,5%, 2022-ci ildə isə 3,3% böyüyəcəyini proqnozlaşdırır.

Neft və qaza dayanıqlı tələbatı nəzərə alaraq, hazırda kontinental Avropada davam edən iqtisadi bərpa prosesləri Azərbaycanın xarici balansının statistikasına müsbət təsir göstərəcək. Lakin yerli bazarda tələb COVID-19 pandemiyası səbəbindən daha yavaş templərlə bərpa olacaq.

Xatırladaq ki, cari ilin may ayında “Fitch Ratings” agentliyi Azərbaycanda bu il iqtisadiyyatın 2,1%, 2022-ci ildə isə 2,9% artacağını proqnozlaşdırıb.

Qeyd edək ki, Dünya Bankının bu yaxınlarda dərc olunmuş Avropa və Mərkəzi Asiya regionu üzrə yenilənmiş hesabatında Azərbaycanda ÜDM-in bu il 5% 2022-ci ildə 3,1%, 2023-cü ildə isə 2,7% böyüyəcəyi qeyd olunub. Asiya İnkişaf Bankının sentyabr proqnozunda isə cari il ölkədə iqtisadiyyatın artım tempinin 2,2%, 2022-ci ildə isə 2,5% olacağı deyilir.

Əlavə edək ki, 2020-ci ildə COVID-19 pandemiyası fonunda Azərbaycan iqtisadiyyatı 4,3% kiçilib. Son məlumatlara görə, bu ilin yanvar-avqust aylarında ölkə iqtisadiyyatı 3,6% böyüyüb.

  • Əvvəlki

    AccessBank xidmətlərindən ən çox istifadə edilən bankların top beşliyində!

Digər xəbərlər

01.10.2021 İqtisadiyyat
Azərbaycan nefti bahalaşdı - SON QİYMƏT
0 0
22.09.2021 İqtisadiyyat
Azərbaycan nefti UCUZLAŞIB
0 1
21.09.2021 İqtisadiyyat
Brent nefti bahalaşıb - SON QİYMƏT
0 0
10.09.2021 İqtisadiyyat
Dollar və avro kəskin BAHALAŞDI
0 2