.jpg)
.jpg)
Kommersant.az xəbər verir ki, bu barədə müsahibəsində əmək və əhalinin sosial müdafiəsi naziri Sahil Babayev bildirib.
Nazir son 3 il yarım ərzində Azərbaycanda 4 milyon vətəndaşı əhatə edən 3 sosial islahat paketinin icra olunduğunu deyib. Bunun üçün yalnız dövlət büdcəsindən əlavə olaraq 6 milyard manat, yəni ölkənin icmal büdcəsinin 20%-indən çox vəsait ayrıldığını qeyd edib.
S.Babayev həmin dövrdə minimum əmək haqqının 2.3 dəfə, əməkhaqqı fondunun 2.2 dəfə artdığını, əməkhaqqı fonduna əlavə 8 milyard manat yönəldildiyini bildirib.
Median əmək haqqında 86%, minimum pensiyada 2,2 dəfə, orta aylıq pensiyada 75% artım baş verdiyini diqqətə çatdırıb.
Nazir sosial müavinət və təqaüdlərdə də 3,5 dəfə artım olduğunu deyib. Müavinət və təqaüd istiqaməti üzrə ayrılan illik vəsaitin 2018-ci ilə nisbətən 400 milyon manatdan 1 milyard manat artaraq 1,4 milyard manata çatdığını bildirib.
