.jpg)
Meyvə-tərəvəz istehsalçıları “Aqrolizinq” xətti ilə texnika və avadanlıqlar alacaq
"Kommersant" bildirir ki, bunu Kənd Təsərrüfatı Nazirliyində yeni yaradılan Fermerlər, Assosiasiyalar və Kooperativlərlə İş şöbəsinin sədri Araz İsmayılov bu gün Bakıda keçirilən "Kənd təsərrüfatı inkişafının müasir tendensiyası" adlı tədbirdə çıxışında bildirib.
O bildirib ki, Kənd Təsərrüfatı Nazirliyi fermerlərə hər cür dəstək göstərəcək. A.İsmayılov qeyd edib ki, nazirlik "Aqrolizinq" ASC-nin xətti ilə Azərbaycan Meyvə-Tərəvəz İxracatçıları Assosiasiyasına lazım olan texnikanın, traktorların və kənd təsərrüfatı avadanlıqlarının gətirilməsində yardım edə bilər: "Fermerlərimiz, meyvə-tərəvəz istehsalçıları və ixracatçıları kənd təsərrüfatı texnikalarını 10 il müddətinə lizinq yolu ilə "Aqrolizinq"dən ala biləcəklər".
O, fermerlərə bununla bağlı artıq müraciət etməyin mümkün olduğunu qeyd edib: "Siz bu texnikaların siyahısını Assosiasiyaya təqdim edin. Gələn ilin büdcəsində bütün bunlar nəzərə alınacaq".
Digər xəbərlər
İtaliya Hesablama Məhkəməsi Messina Boğazı Körpüsünün tikintisini blokladı
