“Azərenerji”: Günün sonunda elektrik enerjisinin verilişi 100 faiz bərpa olunacaq
03.07.2018
İqtisadiyyat
"Mingəçevir şəhərində yerləşən “Azərbaycan İstilik Elektrik Stansiyası” MMC-nin fəaliyyətini dayandırmış enerji blokundan biri təlimata uyğun olaraq işə düşüb".
"Kommersant" xəbər verir ki, bunu Apa-ya açıqlamasında "Azərenerji" ASC-nin ictimaiyyətlə əlaqələr şöbəsinin rəhbəri Yəhya Babanlı deyib. Onun sözlərinə görə, ikinci enerji blokunun fəaliyyətə başlaması üçün start vəziyyətinə gətirilib.
"Ölkənin elektrik enerjisi ilə təchizatı 90 faiz bərpa edilib. Günün sonunda elektrik enerjisinin verilişi 100 faiz bərpa olunacaq", - deyə Y.Babanlı vurğulayıb.
Qeyd edək ki, iyulun 3-ü gecə saatlarında Mingəçevir şəhərində fəaliyyət göstərən ölkənin ən böyük elektrik stansiyası olan Azərbaycan İES-in 1-ci və 6-cı enerji blokunda partlayış baş verib. Partlayışla əlaqədar ölkənin əksər rayonlarında elektrik enerjisinin verilişi dayanıb.
Digər xəbərlər
14.04.2021
İqtisadiyyat
"Ağstafa Aqropark"a qarşı "əməliyyat" - Səməd Vəliyev mühüm şirkəti necə batırır?
0
0
