Fransada illik inflyasiya fevralda 6,2 faizə qədər sürətlənib.
Fransa Milli Statistika İnstitutunun (Insee) çərşənbə axşamı dərc etdiyi ilkin məlumatlara görə, fevralda Fransada illik inflyasiya bir ay əvvəlki ilə müqayisədə 6%-dən 6,2%-ə yüksəlib.
DailyFx portalının sorğusuna qatılan analitiklər inflyasiyanın 6,1% olacağını gözlədiklərini bildiriblər. Xatırladaq ki, bir il əvvəl isə 2022-ci ilin fevralında illik inflyasiya 3,6% idi.