USD1,7000
EUR1,8634
GBP2,1133
RUB0,0208

"Dövlət bu işlərə qarışa bilməz" - Əkrəm Həsənov

09.03.2023 İqtisadiyyat
43 11
“Dövlət daim belə məsələlərdə maarifləndirməlidir. Çünki aydın məsələdir ki, insanların çoxunun imkanı, vaxtı yoxdur ki, oturub belə şeyləri müstəqil şəkildə öyrənsin ki, harda məni aldada bilərlər və. s.”

Kommersant.az xəbər verir ki, bunu müxtəlif piramida üsulları ilə insanları cəlb etməyə çalışan şirkətlərin fəaliyyəti haqqında danışarkən hüquqşünas Əkrəm Həsənov deyib.

Ekspert bildirib ki, ümumən bazar iqtisadiyyatının prinsiplərindən biri odur ki, qanunla qadağan olunmayan hər bir fəaliyyəti göstərmək olar.

“Bu baxımdan dövlətində hər dəfə gəlib nəyisi də qadağan etməsi doğru və arzu olunan deyil. Əks halda dövlət insanların təşəbbüskarlığını məhdudlaşdıracaq. Bu məsələnin bir tərəfi”.

Ekspert qeyd edib ki, burda məsələ təkcə dövlətin üstünə düşmür:

“Kimsə hansı fəaliyyətlə məşğul olursa, şikayət yoxdursa, dövlət necə biləcək ki, belə bir fəaliyyət var. Gərək kimsə şikayət etsin, dövlət o zaman müəyyənləşdirəcək ki, bu fəaliyyət qanuna uyğundur ya yox. Dövlət bu işlərə qarışa bilməz”.

Ə. Həsənov qeyd edib ki, kimisə həmin sistem aldadırsa, pulu batıbsa, gərək həmin adamlar indi heç olmasa, şikayət etsin və cinayətkarlar da məsuliyyətə cəlb edilsin:

“Dövlətin isə burda yalnız bir məsuliyyətindən söhbət gedə bilər ki, maarifləndirmə ilə məşğul olsun. Bu baxımdan dövlət bu vəzifəsini yerinə yetirsə, yaxşı olar”.

  • Əvvəlki

    "WhatsApp"dan naməlum nömrələr üçün yeni funksiya

Digər xəbərlər

29.03.2024 İqtisadiyyat
Neftimiz bahalaşdı
0 0
29.03.2024 İqtisadiyyat
Bu günə olan valyuta məzənnələri
0 0