"ABŞ OPEC-dən neft hasilatını artırmağı tələb etməyib"

11.07.2018 İqtisadiyyat
ABŞ Neft İxrac Edən Ölkələr Təşkilatından (OPEC) neft hasilatını artırmağı tələb etməyib.

CNN Money" xəbər verir ki, bu barədə Birləşmiş Ərəb Əmirliklərinin energetika naziri, OPEC Konfransının prezidenti Suhail Mohamed Al Mazrouei deyib.

"ABŞ bizim üçün vacibdir, amma rəsmi və ya qeyri-rəsmi ABŞ-dan belə bir tələb olmayıb. Mən belə bir təklifin olmadığı qətiyyətlə deyə bilərəm", - deyə OPEC Konfransının prezidenti bildirib.

Qeyd edək ki, ötən həftə beynəlxalq mətbuatda ABŞ-ın gizli olaraq Səudiyyə Ərəbistanı və OPEC-ə üzv bəzi ölkələrdən neft istehsalını artırmağı istədiyi ilə bağlı xəbərlər yayılmışdı.

Azərtac