19.10.2023 İqtisadiyyat

0 0

Qlobal bazarlarda bütün diqqətlər ABŞ Federal Ehtiyat Sisteminin (FED) sədri Cerom Pauelin bu gün verəcəyi açıqlamalarda olduğu halda, Yaxın Şərqdə davam edən münaqişələr və ABŞ-da istiqraz faizlərinin son dövrlərin ən yüksək səviyyəsinə yüksəlməsi birjalara təzyiq göstərir.

ABŞ-da açıqlanan makroiqtisadi məlumatlar aktiv qiymətlərinə təsir etməkdə davam edir. Dünən ölkədə açıqlanan məlumatlar göstərdi ki, sentyabrda mənzil tikintisi bərpa olunub. Buna görə, ABŞ-da avqust ayında son 3 ilin ən aşağı səviyyəsinə düşən mənzil başlanğıcları sentyabr ayında yüzdə 7 artarkən, eyni dövrdə tikinti icazələri gözləniləndən daha az azalıb.

İqtisadiyyatın gücünü qoruduğunu göstərən məlumatların ardından FED-in faizləri daha uzun müddət yüksək tutacağına dair gözləntilər güclənir, istiqraz faizləri isə yüksəlməyə başlayıb. ABŞ-ın 10 illik istiqrazlarının faizi 2007-ci ildən bəri ilk dəfə 4,9 faizdən yuxarı qalxıb.

Digər tərəfdən, Fed-in "Bej Kitabı" hesabatında, sentyabr ayından bu yana iqtisadi fəaliyyətdə "az" dəyişiklik olduğu, əmək bazarındakı sıxlığın ölkə daxilində azalmağa davam etdiyi və qiymətlərin ümumiyyətlə mülayim bir sürətlə artmağa davam etdiyi ifadə edilib.